Problematika e qeverisjes vendore ka qenë sot në fokus të takimi të zhvilluar mes kryeministrit, Edi Rama dhe kryetarit të Kuvendit, Ilir Meta, sot në vilën 30. Kryetari i grupit parlamentar të PS-së, Gramoz Ruçi, i cili ishte pjesë e këtij takimi, në komunikimin e shkurtër me median informoi se mes dy drejtuesve më të lartë të koalicionit qeverisës, theksi u vu për një përmirësim më të madh sa i përket qeverisjes mes PS dhe LSI në nivel vendor. Ruçi ndër të tjera bëri të ditur se në takimin mes Ramës dhe Metës nuk ka qenë pjesë e bisedimeve çështja e Reformës në Drejtësi, pasi sipas tij, kjo problematikë është pjesë e komisionit të posaçëm parlamentar për Reformën në Drejtësi.
(javanews.al)
