Dritan Visha, gjyshja e Nazimes Vishës ka shkuar menjëherë te dera e burgut ku është mbesa e saj, pas lajmit për faljen nga ana e Presidentit të Republikës, Bujar Nishani. Ajo pritet të dalë në liri pas rreth gjysmë ore.
Gjyshja sqaroi se prindërit e të dënuarës për vrasjen e përdhunuesit banojnë larg nga burgu, ndaj nuk kanë mundur të vinin.
“Më dridhej trupi nga qejfi”, tha gjyshja, duke treguar për momentet kur mori lajmin.
Më tej ajo i falënderoi të gjithë, Presidentin e Republikës, ministrin e drejtësisë dhe median, për të cilën tha se ka bërë shumë për Nazimen.
Gjyshja, dukshëm e lumtur, falënderoi edhe politikanët shqiptarë, duke i quajtur të gjithë si “shumë të mrekullueshëm, pavarësisht se çfarë thuhet për ta”.
Lirimi është një lajm i mirë për Nazimen, por jeta pritet të jetë e vështirë për të. Megjithatë, gjyshja thotë se mbesa nuk do të mbetet pa punë, pasi do të gjendet diçka për të, rrobaqepëse, parukiere, kuzhiniere ose diçka tjetër, duke shtuar madje se ajo do të shkojë edhe në shkollë.
JN
