Ministri i Infrastrukturës dhe Energjisë Damian Gjiknuri ishte i ftuar në studion e Real Story ku ka folur lidhur me negociatat për tarifën në Rrugës së Kombit.
Ai ka pranuar se edhe qeveria ka gabuar, duke deklaruar se duhej të ishte negociuar një marrëveshje më e mirë.
“Lidhur me tarifën e Rruges se Kombit ne jemi në negociata per te gjetur nje zgjidhje. Kontrata duhet te ishte negociuar me mire”, deklaroi Gjiknuri.
Ai tha se rruga Durres-Kukes nuk ka fizibilitet ekonomik, por eshte nje rruge qe lidh Shqiperine me Kosoven.
Ministri ka zbuluar se edhe në Kosovë pritet të vendoset një tarifë.
“Shume shpejt edhe ne Kosove do te vendoset tarifë per kalimin ne ate rruge”, deklaroi Gjiknuri.
Gjiknuri ka folur edhe për idenë për një tunel në Llogara që do shkurtonte ndjeshëm kohën e udhëtimit nga Vlora drejt bregdetit më në Jug të vendit.
“Ende nuk ka asnje projekt konkret por ka pasur shprehje interesi”, vijoi Gjiknuri./a.m.
