“Monitor” raporton se qeveria shqiptare po shkon drejt konkretizimit të marrëveshjes koncesionare për ndërtimin e rrugës së Arbrit. Kontrata do të nënshkruhet me kompaninë kineze “China State Construction Company” e cila do të ndërtojë të 26.8 kilometra në rrugën që synon të lidhë Tiranën dhe Maqedoninë. Në këtë kuadër, “Monitor” raporton edhe një hollësi: “Por kompania kineze që do të ndërtojë pjesën e mbetur ka vënë një kusht në lidhje me pagesën që do të rrjedhin nga trafiku.
“Nëse nuk realizohet fluksi i lëvizjes prej 7 mijë automjetesh për 24 orë, atëherë qeveria shqiptare do të duhet të kompensojë kinezët ECSCC për trafikun e munguar”, shkruan revista që referon burimet në Autoritetin e Rrugor shqiptar. Më tej, po këto burime shtojnë se “trafiku në këto nivele është vështirë të realizohet, pasi edhe Rruga e Kombit që lidh zona, ku trafiku është më i lartë, nuk ka arritur në këtë nivel lëvizjeje”. Çfarë fitohet atëherë nga ky investim, kur po nga Ministria e Transportit thonë se, projekti 35 kilometra kushton 270-300 milionë euro?
ResPublica
