Kryeministri Edi Rama vijon të publikojë video të personave të sistemuar në punë, pas nxjerrjes nga skema e ndihmës ekonomike.
“Mirëmëngjes dhe me këtë shprehje të së vërtetës së thjeshtë se rroga minimale është larg së qeni e mjaftueshme për të qenë të kënaqur, po është shumëfish më tepër se sa ndihma ekonomike, ju uroj një ditë të mbarë”, shkruan Rama në Facebook.
Në videon e publikuar prej tij, jepet rrëfimi i Sugare Stafës nga fshati Bushnesh i Krujës, e cila me ndihmën ekonomike merrte 38 mijë lekë të vjetra, ndërkohë që në shtëpi është vetë i pestë me burrin dhe tre fëmijët.
Gruaja tregon se shkoi te zyra e punës për të kërkuar punë, ku ju gjet një vend pune në një fabrikë çantash dhe merr 240 mijë lekë të vjetra në muaj.
“Punë pa vështirësi nuk ka, por më pëlqen”, shprehet Sugare.
/a.m.
