Ish kryeministri Sali Berisha ka hedhur poshtë zotimin e qeverisë për rritjen e pagës së mësuesve me 10% vitin e ardhshëm, duke shkruar në një status në rrjetin e tij social se ky është një tjetër mashtrim i Ramës.
Sipas Berishës, duke patur parasysh vetëm inflacionin dhe faktin se prej 3 vitesh nuk është bërë asnjë rritje page apo pensioni, kjo rritje për të cilën ka folur sot Kryeministri dhe ministrat e tij është e gënjeshtërt.
“Te dashur miq, sot Edi Rama hodhi ne treg mashtrimin e radhes, ate te rritje se pagave me 10% pasi i ngriu pagat per tre vite me rradhe dhe jo vetem kaq, por dhe hoqi shperblimin ne fund te vitit prej nje page per rrogat e ulta dhe 100 mije leke per te tjerat.
Per cdo njeri qe di çfare eshte inflacioni, pra rritja e pandalshme e çmimeve ne teresi dhe atyre te konsumit te perditshem ne veçanti, e ka qe qarte se me rritjen prej 10% pas tre vitesh pagat e vitit 2016 mbeten perseri 2% me te ulta se sa pagat e vitit 2013 per te gjithe punonjesit e administrates pervec ministrave e siper, pagat e te cileve jane rritur me 60%.
Shtoj ketu se para vitit 2013, periudhe ne te cilen pagat e mesuesve u rriten me 120-130%, te infermiereve dhe mjekeve me 150 dhe 160%, inflacioni vjetor neutralizohej teresisht vetem me shperblimin e fund vitit!”- shkruan Berisha./java/a.k
