Ministri për Diasporën Pandeli Majko, ka shprehur rezerva për buxhetin e vitit 2018. Teksa është ndalur te pensionet, ai e ka quajtur të pamjaftueshme rritjen që bëhet.
Majko ka kërkuar që të rishikohet buxheti sa i takon këtij zëri.
“Duke përfituar dhe ikja e kolegut tim Ministri Ahmetaj, dua të them dy fjalë për buxhetin. Ne për çdo rritje që bëjmë flasim me përqindje. Qeveria thotë se u rritën pensionet me 10%. Por 10% e pagës sonë i thonë një darkë, ndërsa 10% e një pensioni është një kofshë pule, për të mos thënë që është vetëm ajo këmba e pulës. Është momenti që të shkëputemi nga teknika e përqindjeve. Pasi 10% është pak i ndryshëm në këndvështrime të ndryshme”, deklaroi ministri Majko./a.m.
