Një avion me rreth 66 pasagjerë në bord është rrëzuar në një zonë malore të Iranit.
Mësohet se avioni i linjës Teheran-Jasuj ka rënë pranë qytetit Semirom, në provincën Isfahan dhe dyshohet se nuk ka asnjë të mbijetuar.
“Të gjitha forcat e emergjencës janë mobilizuar. Në avion kishte 50-60 pasagjerë”, thotë një zëdhënës i shërbimeve të emergjencës.
Avioni ATR 72 u zhduk nga radarët 20 minuta pasi u ngrit në fluturim.
Dëshmitarët thanë për mediat lokale se dukej sikur avioni po mundohej të kryente një ulje emergjente përpara se të rrëzohej.
Tragjedia ajrore në Iran vjen pak ditë pasi në Rusi u rrëzua një avion me 76 pasagjerë në malet urale. Asnjë prej pasagjerëve nuk arriti të mbijetojë.
a.ç
