Komisioni parlamentar i Edukimit dhe Mjeteve të Informimit Publik rrëzoi të hënën nismën ligjore të propozuar nga deputeti socialist, Taulant Balla, që kërkon shfuqizimin e nenit 62 të ligjit “Për mediat audiovizive në Republikën e Shqipërisë”.
Amendimi i ligjit ka të bëjë me heqjen e kufizimeve të pronësisë dhe kufizimit të reklamave, ndërsa për këtë propozim komisioni më herët kishte kërkuar ekspertizën e institucioneve ndërkombëtare si OSBE, KiE dhe BE, që kanë asistuar në hartimin e ligjit bazë “Për mediat audiovizive”.
