Dalin detaje të reja në lidhje me tragjedinë ajrore që ndodhi mëngjesin e sotëm në Detin e Zi, ku humbën jetën 92 persona.
BBC shkruan se nga të dhënat paraprake të hetimeve dyshohet se një gabim i pilotit mund të ketë qenë shkaku i këtij aksidenti fatal, megjithatë nuk përjashtohet dhe ndonjë defekt teknik. Avionin ushtarak rus Tu-154 udhëtonte personeli i shërbimit, anëtarët e korit të famshëm ‘Aleksandrov’ dhe gazetarë, ndërsa destinacioni ishte provinca Latakia e Sirisë. Deri më tani është gjetur trupi i parë i viktimës.
Pasagjerët në avion ishin nisur drejt Sirisë, atje ku do të jepnin një koncert për Vitin e Ri me trupat ruse që aktualisht janë të vendosura në këtë vend. Ndërkohë vijojnë hetimet për zbardhjen e plotë të rrethanave të ngjarjes.
BW/d.i.
