Drejtuesi i një mjeti lundrues në Gjirin e Lalzit është gjobitur me një masë administrative 100,000 lekë, pasi shkeli perimetrin e sigurisë ujore duke u kthyer kështu në rrezik për pushuesit.
Në njoftim thuhet se gjithashtu policia ka bllokuar mjetin lundrues.
“Shërbimet e Policisë Kufitare Durrës, në bashkëpunim me Njësinë Policore Detare, gjatë patrullimit të vijës bregdetare, me qëllim garantimin e rendit dhe sigurisë publike në zonat turistike, si dhe për kontrollin e përdorimit të mjeteve lundruese, bazuar dhe në denoncimet e qytetarëve në rrjetet sociale kanë ndërhyrë menjëherë në plazhin e Gjirit të Lalzit, duke bërë bllokimin e një mjeti lundrues motor uji, që kishte shkelur perimetrin e sigurisë ujore duke vënë në rrezik jetën e pushuesve në plazh.
Shërbimet e Policisë Kufitare e kanë ndëshkuar drejtuesin e mjetit lundrues, shtetasin E. Ll., me masë administrative 100,000 lekë të rinj, si dhe kanë bllokuar mjetin lundrues”, thuhet në njoftim.
/a.r
Është i pamjaftueshme gjoba.
Duhet gjobë (po se po) plus sekuestrim.
Vetëm kjo e zgjidh këtë gjë me këto njerëz që vetëm në Shqipëri ndodh, se kur janë jashtë shtetit, këta trimat tanë, rrijnë si pula të lagura e të dhjera.