Policia e Durrësit, në bashkëpunim me Policinë e Tiranës kanë ushtruar kontrolle në banesat e një sërë personash që njihen me të kaluar kriminale, për rrëmbimin dhe ekzekutimin e Gazmend Çollakut, dy ditë më parë në qytetin e Durrësit.
Kështu, Policia e Tiranës ka ushtruar kontrolle edhe në banesën e të shumëpërfolurit, Emiljano Shullazi, por ky i fundit nuk ka qenë në banesë raporton Panorama.
Sipas burimeve brenda Policisë, efektivët nuk ka gjetur asgjë në banesën e tij, që ta implikojnë Shullazin me ekzekutimin e Gazmend Çollakut, i cili dyshohet se është vrarë për pazaret e drogës.
Çollaku u rrëmbye në Lagjen nr. 1 të qytetit të Durrësit dy ditë më parë nga katër persona të maskuar si efektivë të policisë, që u larguan bashkë me të me një mjet “Audi” me targa gjermane. Një ditë më pas, trupi i Çollakut u gjet në një zonë rurale të Krujës.
