Rexhep Guri (Shkambi), vëllai i viktimave të Postribës ka rrëfyer në polici gjithë ngjarjen ku mbeten të vdekur dy vëllezërit e tij. Ai deklaron se ishim sqaruar me Esatin se nuk do ta merrte mbesën për grua dhe i ka vrarë në pabesi dy vëllezërit e tij. “Kam 15 vite që jetoj në Angli bashkë me vëllanë që mu vra, Skenderin.
Ai rrëfen se kishin ardhur në Shqipëri, pikërisht ditën që ndodhi ngjarja.
“Erdhëm për të takuar nënën dhe vëllezërit që jetojnë këtu dhe kishim planifikuar të ktheheshin në Angli më 3 janar”, shprehet ai.
Lëvizjet në fshat ditën e vrasjeve
Rexhep Shkambi thotë se rreth ores 09.30 të 2 Janarit së bashku me 4 vëllezërit shkuan për të pirë kafe tek djali i dajës që martonte vajzën.
“Më pas Skënderi së bashku me Abdullain jane ndaluar për marre disa rroba shtetasit B.D. te cilat do t’ia dergonte djalit te tij ne Angli, ndërsa unë shkova në shtëpi”, rrëfen ai për Panorama.
“Ata po vonoheshin dhe i mora në telefon, Skënderi më tha se ishin ndalur në rrugë për të biseduar me Esat (Aleksander) Dushajn.I thashë: A të vij dhe unë, dhe Skenderi mu përgjigj: Po hajde”
Kam dalë nga shpëtia dhe dëgjova rreth 7-8 krisma. Pashë Esatin që ikte më vrap me automatik. Aty për aty gjeta dy vëllezërit Skënderin dhe Abdullain të shtrire ne tokë. Kishin vdekur në vend”.
Marrëdhëniet e familjes Shkambi me Esat Dushajn
Rexhep Guri ka thënë në policise se që në vitin është pajisur me pasaportë angleze ai dhe familjarët e tij. Atje jetonte edhe Skenderi me familjen dhe vajzën për të cilën ndodhi ngjarja. “Vajza është 19 vjeçe dhe jeton prej 6 vitesh në Angli”, thotë ai.
“Esati e kishte takuar disa herë Skenderin, i cili i kishte bërë të ditur se nuk ia jepte vajzën për nuse. Ai (autori i krimit) këmbëngulte duke thënë: Pse nuk ma jep se edhe vajza është dakord.
Por së fundmi, në Tetor 2015, Esati kishte shkuar e takuar vëllanë që jetonte këtu Abdullain (njëri nga viktimat). Në fund Esati i kishte kërkuar falje dhe nga ajo kohë nuk kishte bërë më kërkesë për vajzën.
