Reperi Arkimed Lushaj, i njohur ndryshe si Stresi, në një rrëfim pa doreza pohon detaje nga jeta e tij dhe se si do të ishte ajo nëse ai hiqte dorë nga të bërit “djalin e keq”. Në një intervistë për “Thumb” ka pohuar se rrallë pi alkool, ndërsa hashashin e tymos çdo ditë.
Ti ke dashur të japësh imazhin e djalit të keq në publik. Përse kjo zgjedhje?
Nuk kam dashur asnjëherë, as prindërit e mi nuk kanë dashur të jem i tillë. Nuk e di pse kam marrë këtë nam.
A është vërtetë Stresi djalë i keq?
Ju nuk njihni Arkimedin.
Po a nuk të lodh ky rol?
Aspak, s’jam i tillë.
Si thua sikur që nga ky moment të flasim me Arkimedin dhe jo Stresin?
Ja ku jam. Arkimedi.
Si do ishte një ditë e zakonshme për djalin e mirë Arkimedin?
Ngrihem në mëngjes herët, bëj vrap. Shkoj në lagje.
Kë do merrje të parin në telefon që t’i thoje sa shumë e do?
Përveç nënës, asnjë tjetër.
Kujt do t’i kërkoje falje të parit?
Zoti nuk thirret në telefon, po… përveç atij s’kam kujt t’i kërkoj falje.
A do pi alkool Arkimedi?
Unë pi alkool, por rrallë. Kur dalë në fundjavë.
Po hashash?
Çdo ditë (qesh)
A do ta mbaje një lidhje të qëndrueshme?
Unë jam ende 30 vjeç, kështu që kam kohë për të menduar për këtë.
Si do t’i siguroje të ardhurat?
I kam të siguruara.
Për çfarë do të lutej Arkimedi çdo natë para se të flinte?
Lutem çdo natë, falënderoj Zotin që na jep rrahje zemre çdo ditë. Për asgjë tjetër.
Për çfarë do studioje?
Klasën e parë e kam nisur në “Fan Noli”, shkollën e mesme në Belgjikë. Shkollën e kam mbaruar për Psikologji.
Për çfarë do ta këshillonte Arkimedi i mirë Stresin?
Për asnjë gjë. Vetëm mos të jetë shumë i lëvizur.
BW/d.i.
