Azdren Llullaku, 31 vjeç, e ka “habitatin” e tij ideal kampionatin rumun. Aty shënon rregullisht dhe ka fituar respektin e tifozëve të skuadrës që përfaqëson, por edhe të mediave. Duke folur për “Prosport”, sulmuesi shqiptar nënvizon mes të tjerash:
“Kur erdha në Rumani, gjashtë vite më parë, ishte një ekip që u rrit shpejt, U Cluj. Pastaj falimentoi. Këtu ka disa ekipe me emër, por në këtë moment shoh si më të mirët Craiova, Dinamo, Steaua. Në Itali ishte gjithmonë ëndrra ime për të luajtur futboll. E nisa atje në vitin 2008, pastaj erdha këtu në Rumani. Debutova në Craiova, stadiumin që më pëlqente shumë”.
Sezoni i rregullt i Ligue 1 ka mbaruar dhe mbetet shumë pak deri në fillimin e “play-off” dhe “play-out”. Azdren Llullaku, lojtar i Astra, e mbështet fort punëdhënësin e tij aktual:
“Kur erdha këtu, qëndrova ballë për ballë me presidentin Niculae, më dukej një person shumë serioz. Në dy minuta kam mbyllur gjithçka. Personalisht, gjithmonë i kam marrë paratë. Gjatë viteve të fundit mendoj se të gjithë nuk kanë pasur probleme në këtë drejtim. Pronari mund të bëjë çfarëdo që dëshiron, është i lirë për të bërë zgjedhjet e tij. Ai e di më mirë se kushdo çfarë duhet të bëjë, është pronari, ndaj më duket normale”.
Një mendim edhe për jetën në Rumani dhe rrugët në këtë vend. Llullaku nuk e “përmbys kupën”, aty ku ushqehet:
“Ka probleme, por unë nuk ankohem. Kur isha i vogël, ecja me karrocë kuajsh, ndaj nuk kam pse ankohem këtu.
Udhëtoja me karrocë kuajsh me vëllain tim, xhaxhain e gjyshërit, por nuk e ngisja unë. Qëndroja gjithmonë si pasagjer. Madje, rrogën e parë që mora si futbollist, ua dërgova atyre”.
/a.meta
