Infermieri 26-vjeçar Everest Duka, i cili u arrestua nën dyshimet se ka tentuar të përdhunojë pacienten 16-vjeçare, ka rrëfyer përpara hetuesve të vërtetën e ngjarjes, duke pranuar se e kishte puthur vajzën.
Para se gjykata të vendoste “detyrim paraqitje”, Everest Duka mësohet se ka kërkuar mëshirë para trupit gjykues. Ai ka rrëfyer të gjitha momentet me adoleshenten që më 24 korrik, kur u shtrua në spital, e deri në momentin kur u arrestua më 3 gusht.
“E njoha në spital. Ajo ishte e shtruar prej rreth një jave. Mes nesh nisi një bashkëbisedim normal, infermier- pacient, në kohën që i bëja terapinë. Ajo një ditë më kërkoi telefonin me pretendimin se ishte mërzitur në spital dhe donte që të hynte në ‘Facebook’. Kështu, nisja t’ia jepja telefonin. Edhe atë natë, më 27 korrik, unë isha turni i tretë. Ia dhashë telefonin dhe nisa të bëja shërbimin tim në dhoma të tjera. Nga mesnata ajo më erdhi në infermieri dhe më ktheu telefonin. Në atë moment m’u afrua dhe më puthi në faqe. Mbylla derën dhe ia ktheva duke e puthur në buzë. Zgjati për disa minuta dhe ajo në asnjë moment nuk më refuzoi. Në çastin kur gjërat nisën të nxeheshin më shumë, ajo më tha se ishte e fejuar. Unë u tërhoqa dhe që nga ai moment nuk kam pasur më kontakt fizik me të, por vetëm virtual, nëpërmjet ‘Facebook’-ut”, tregon infermieri.
