Diva e muzikës shqiptare, Adelina Ismaili thotë se është kërcënuar vazhdimisht me vrasje.
E ftuar në Tv7 në Kosovë, Ismaili tha se erdhi një moment që u shkëput për të ikur në Zvicër.
“Kam pas kërcënim për vrasje por se kam marrë seriozisht. Deri vonë nuk ma ka marrë mendja se dikush mund të vritet. Ndoshta nuk më është dukur vetja aq e fortë se dikush mund të përfitojë për vrasjen teme.
Kur kam shkuar në ceremoninë e varrimit të Ibrahim Rrugovës, stafi i sigurimit më ka thënë; Adelinë nisja ruju qetash ose shko jashtë”, tha ajo.
Ajo ka treguar për herë të parë rreth zënkës së saj me këngëtaren Leonora Jakupi. Për ngjarjen e cila kishte ndodhur në vitin 2003, ishte shkruar shumë në gazetat e kohës dhe se ishte ngjarja më e përfolur e showbizit.
Ajo tha se për herë të parë filloi kur Leonora Jakupi duke ecur e goditi nënën e saj e pastaj nga aty filloi zënka.
“Po ka pasur përleshje, po pse ka ndodhur e si ka ardhur kjo nuk e di” tha Adelina duke shtuar se “Mamin e ka goditur pak Leonora së pari. Ishte një gardërobë e ngushtë, ajo kaloj edhe e goditi mamin. Mami i bërtiti pak për stres të xhirimeve” tha ajo.
“Mami i tha ‘kadale moj çika ime’. Pastaj ajo e kapi për fyti, e unë kam ndërhy aty” tha Adelina, por nuk tha se nuk dëshiron të flasë më tepër për këtë temë.
Adelina tha se ende nuk e ka të qartë se a është rivale me të apo jo, duke shtuar se nuk ka asnjë xhelozi me askën.
Më tej adelina ka thënë se gjatë kohës së fillimit të karrierës së saj, gjatë koncerteve në Shqipëri, këngëtarëve të Kosovës nuk u jepnin çmime të muzikës.
“Nuk më kujtohet që dikush nga Kosova ka marrë ndonjë çmim. Deri vonë kam besu që ka ekzistu një marrëveshje e pashkruar që mos me e fitu asnjë Kosovar, jo që na e kanë dikush, është ditur por nuk është diskutuar kurrë” tha Ismaili.
Ajo shtoi gjithashtu se muzika në Shqipëri ishte më shumë e orientuar drejt muzikës së shkollës për shkak të zhvillimit të teatrit e operas, ndërsa në Kosovë kishte filluar të zhvillohej muzika pop.
“Ne komplet e kishim një tjetër botë, ishte Mihrie Braha, Gili, në atë kohë kishte filluar muzika pop të zhvillohet” tha ajo.
Ndër tjera Adelina Ismaili shtoi se “një këngë është përgaditur për gjashtë muaj dhe dy vjet na u desht përgaditje për paraqitje”.
g.kosovari
