Ministria e Shëndetësisë ka shtuar sportele të reja në qendrat shëndetësore për marrjen e kartës së shëndetit nga ana e qytetarëve. Kjo kartë do të zëvendësojë Librezën shëndetësore.
Fondi i Sigurimit të Detyrueshëm të Kujdesit Shëndetësor sqaron se shtimi i sporteleve eliminon radhët e gjata. Aktualisht, janë aktive rreth 670 mijë karta shëndeti për 28 kategori.
Për periudhën janar 2015 deri tani janë shpërndarë rreth 249,528 karta shëndeti, për të gjitha kategoritë përfituese të skemës së sigurimit shëndetësor. Në 2015 janë shpërndarë rreth 692,426 karta shëndeti.
Kategoritë që deri më tani kanë numrin më të madh të kartave aktive të shëndetit janë fëmijët nga 0– 12 muaj me 15,666 karta, fëmijët nga 1-18 vjeç me 108,550 karta, të papunë me 59,928 karta, të punësuarit me 105,883 karta, studentët me 24,109 karta dhe pensionistët me 250,495 karta shëndeti aktive. Në të gjithë vendin janë pajisur me kartë shëndeti mbi 941 954 qytetarë.
