Sulmuesi i Real Madridit, Cristiano Ronaldo ka mohuar kritikat ndaj ekipit të tij pas humbjes 3 me 1 që e pësoi nga Tottenham Hotspuri në Ligën e Kampionëve.
Dy gola nga Dele Allit dhe një tjetër nga Christian Eriksen ishin të mjaftueshëm që londinezët të realizonin fitore, derisa Reali vazhdoi formën e dobët këtë sezon, por Ronaldo ka insistuar se Spurs nuk e meritoi fitoren.
“Kritika? Kur nuk fitoni njerëzit shikojnë shumë gjëra, por tani jam këtu duke folur, duke treguar fytyrën për shokët e mi, jam i bindur se gjërat do të ndryshojnë”, ka thënë Ronaldo për Football Espana.“I irrituar në fushë? Është normale.
Kur jeni duke humbur, gjërat nuk shkojnë siç doni ju dhe dëshironi që t’i ndihmoni shokët”, ka shtuar ylli portugez.“Është humbje e madhe 3 me 0, edhe pse për mua nuk ishte pasqyrim i asaj çfarë ndodhi në fushë.
Goli i parë i tyre ishte ofsajd, siç herën e kaluar. Ne duhet të vazhdojmë dhe të luftojmë, siç ndodhi në Girona”, përgatiti Koha. (b.an)
