Pasi u shpall më i miri i botës për herë të katërt Cristiano Ronaldo vazhdon të fitojë çmime të rëndësishme. Ai është zgjedhur “Sportisti i Vitit” nga 27 agjenci ndërkombëtare të sportit, në mesin e tyre edhe Shoqata e Gazetarëve Sportiv të Kosovës (SHGSK), transmeton Koha.net.
Fituesi i këtij çmimi, i cili jepet që nga vitit 1958 nga agjencia polake PAP, përcaktohet nga votat e gazetarëve të këtyre agjencive ndërkombëtare.
Ronaldo e mposhti tenistin britanik, Andy Murray, që ishte i dyti, si dhe notarin hungarez, Katinka Hosszu.
27 agjencitë që votuan janë: Efe (Spanjë) France Presse (Francë), Agerpress (Rumani), ANP (Holandë), APA (Austri), ATA (Shqipëri), Belga (Belgjikë), Belta (Bellorusi), BTA (Bullgari), CTK (Republika Çeke), DPA (Gjermani), Elta (Lituani), Fena (Bosnia dhe Hercegovina), Hina (Kroacia), Leta (Letonia), Lusa (Portugalia), Moldpres (Moldavia), SDA-ATS (Zvicra), SHGSK (Kosova), SID (Gjermania), Sita (Sllovakia), STA (Sllovenia), Tanjug (Serbia), TASS (Rusia), Ukrinform (Ukraina) dhe PAP (Polonia), përgatiti Koha. (b.an)
