Dy aktorët e njohur të humorit që janë vëllezër binjakë, Donald dhe Romeo Veshaj janë takuar mbrëmjen e sotme në Shtëpinë e “Big Brother VIP”.
Gjatë takimit emocional të dy binjakët shpërthyen në lot, ndërsa Romeo e këshilloi Donaldin të tregohet i fortë.
Moderatorja Arbana Osmani tregoi planin “djallëzor” që do të realizohet gjatë mbrëmjes së sotme, ku Romeo do të futet në shtëpi duke u shtirur se është Donaldi.
Romeo: Bëj atë që mendon ti! Unë t’i kam zgjidhur të gjitha hallet jashtë. Kështu që mos të hajë fare për asgjë! Edhe je shumë i fortë, ngulite këtë gjë!
Donaldi: Gjatë gjithë kohës e kërkoj aprovimin tënd. Te situata e fundit…
Romeo: Edhe pse tentuan të vënë me shpatulla pas murit, ti e mbajte gojën dhe u tregove burrë. Ke treguar veten tënde. Më pëlqen, je i drejtë.
Arbana: Kemi një plan djallëzor. Romeo do futet në vendin tënd dhe ti do ta ndjekësh skenën nga dhoma e surprizave.
