Anëtari i Kryesisë në Partinë Demokratike, Roland Bejko komentoi veprimet e sotme në Kuvend të grupit të Sali Berishës dhe Gazment Bardhit, të cilët bllokuan foltoren duke mos lejuar vijimin normal të seancës plenare, për të diskutuar sipas rendit të ditës.
Ai tha në “Tirana Live” se kjo është një lojë e vjetër e Berishës, i cili sipas tij lufton kundër SHBA, Britanisë së Madhe dhe BE. Sipas Bejkos, grupimi i Berishës lufton me “mullinjtë e erës” dhe në fund nuk do të fitojnë asgjë në aspektin politik.
Kërkojnë prej Berishës si shpërblim që t’i vendosin në listat elektorale, meqë pretendojnë se kanë shumicën e demokratëve, gjë që nuk na rezulton kështu se pas humbjes së 14 majit, humbi dhe bastionet. Berisha sot pretendon kundër SHBA, kundër Mbretërisë e Bashkuar, kundër BE, sepse është i izoluar dhe duke qenë se është i izoluar është në para-politikë dhe nuk është në politikë. Po luftojnë me mullinjtë e erës”, tha ai.
Ky vendim tha Bejko është hartuar dhe lexuar nga vetë z. Bardhi, por pavarësisht mendimeve të tij, ai shtoi se deputetët e PD nuk do bashkëpunojmë me një person politik, i cili është njollosur nga SHBA.
“Nuk do ketë bashkim dhe bashkëpunim me non grata. Zero, është e prerë. Është vendim që është marrë në datën 18 dhjetor në Kuvendin e PD, e shpallur kjo në rezolutën e hartuar dhe lexuar na vetëz. Gaz Bardhi.
Nëse Bardhi ka ndërruar mendim është punë e tij, ne i qëndrojmë vendimet e PD. Ne kemi agjendën tonë europiane dhe pro-perëndimore. Ne jemi PD, Bardhi është përjashtuar nga PD. Ata mund ta quajnë vetën çfarë të duan, por ne jemi PD’, tha ai.
/f.s
