E ardhmja e James Rodriguezit pritet të vendoset pas ndeshjes mes Real Madridit dhe Celta Vigos, e cila luhet të shtunën në Santiago Bernabeu, në ora 20:15.
Nëse Zinedine Zidane do ta lë kolumbianin sërish në bankën rezervë, James mund të ndryshoj mendjen duke kërkuar largimin nga skuadra, shkruan AS.
Kështu, ndeshja ndaj Celta Vigos mund të jetë e fundit për James Rodriguezin në fanellën e Real Madridit, përcjell Express.
Chelsea dhe Arsenal janë dy nga ekipet më të interesuar në blerjen e ish anëtarit të Portos dhe Monacos.
Interesim për Jamesin ka shfaqur edhe Juventusi, por këta të fundit nuk janë të gatshëm t’i ofrojnë realit 70 milionë euro, pasi shpenzuan 90 milionë për transferimin e Higuainit nga Napoli. /a.m.
