Ajo e 28 korrikut ishte një ditë si të tjerat, në qendrën e kontrollit hapësinor kinez. Shkencëtarët po kontrollonin lëvizjet e robotit Yu-Tu 2, që i dërguar në Hënë nga sonda Chang’e 4 janarin e kaluar po kryen një seri kërkimesh dhe analizash në pjesën e errët të satelitit tonë.
Nga Toka, drejtuesit e misionit po përgatiteshin të fiknin mjetin lëvizës, për ta mbrojtur nga rrezet e ngrohta të ditës hënore (që zgjat rreth 2 javë tokësore).
Po prisnin fotografitë e fundit, duke i konsideruar si rutinë. Por ajo që panë, i befasoi.
Sipas burimeve të pakonfirmuara zyrtarisht nga autoritetet, pamjet tregonin një krater të vogël, brenda së cilit gjendej diçka e pazakontë, një material ndriçues, i ngjashëm me xhelatinë.
Shkencëtarët vendosën të mbajnë të ndezur Yu-Tu 2, për ta lëvizur në një pozicion më të favorshëm për tu fotografuar. Pamjet e reja end epo priten, ndërsa ato të vjetrat nuk janë shpërndarë. Sipas deklaratave paraprake, shkencëtarët mendojnë se mund të jetë një material qelqi, rezultat i impaktit me një meteorit. Duhet të presim pamjet e qarta, por me Pekinin nuk i dihet kurrë. /l.m
