Nje 33-vjecar eshte shpallur ne kerkim nga specialistët e sektorit kundër Krimeve të Rënda në Drejtorinë e Policisë Durrës. Ai eshte shtetasi me inicialet M.S. banues në Durrës, pasi nje dite me pare, rreth orës 21:50, në lagjen Nr.17, Durrës, ka goditur me thikë shtetasen S.V 34 vjeçe.
Sipas policise, ngjarja ka ndodhur për motive të dobëta. Blute bejne me dije se e dëmtuara ndodhet në Spitalin Rajonal Durrës në gjendje të rëndë shëndetësore.
Por “Panorama” meson se i riu dhe e demtuara kishin nje lidhje dashurie mes tyre. Ai e ka goditur tete here me thike gruan per shkak se ajo nuk pranoi te martoheshin.
Gruaja mesohet se ishte e divorcuar me dy femije, ndersa autori beqar.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Vrasja me paramendim” e mbetur në tentativë dhe” Prodhimi, mbajtja, blerja apo shitja pa leje e armëve të ftohta”parashikuar në nenet 78, 22 dhe 279 të Kodit Penal.
c.a
