Rita Ora përlotet në “X Factor”
E vënë përballë zgjedhjes së vështirë për të dërguar në shtëpi një prej konkurenteve në X Factor UK, Rita Ora ka shpërthyer në lot.
Artistja me origjinë shqiptare, e cila iu bashkua panelit të mentorëve të këtij spektakli këtë vit, vendosi për të skualifikuar nga gara Shianne Phillips, por kjo nuk ishte një zgjedhje e thjeshtë për 24 – vjeçaren, e cila u prek kaq shumë nga vendimi që mori, sa vetë krijuesi dhe njëkohësisht një prej mentorëve të “X Factor”, Simon Cowell, e përqafoi atë duke e siguruar se kishte bërë zgjedhjen e duhur. Paneli u nda përgjysmë përballë performancës së Shianne, me Nick dhe Cheryl të cilët i thanë “po” konkurentes, ndërsa Simon tha “jo”.
Ishte vota e Ritës ajo që vendoste nëse konkurentja do të vazhdonte në këtë show ose jo. Pavarësisht se ylli i pop –it e vlerësoi performancën e 24 – vjeçares, ajo vendosi se nuk ishte në standardet e duhura për të vazhduar më tej.
Sipas Dailymail, eksperienca e mëparshme e Rita Orës si gjyqtare në “The Voice UK” ku ajo nuk përballej me vendime përfundimtare, ia bën edhe më të vështirë pozicionin e ri yllit të muzikës.
Megjithatë, Rita u zbulua nga Jay – Z, ndaj ajo e di shumë mirë se çfarë do të thotë të impresionosh dikë që ka standarde të larta, shkruan Dailymail.
