Nuk ka kaluar as këtë vit pa praninë e figurës së Enver Hoxhës përkujtimi i Konferencës së Pezës që u mbajt ditën e sotme me titullin “Peza n’fest”.
Rreth 100 persona anëtarë të Partisë Komuniste të Shqipërisë mes të cilëve Kryetari i kësaj partie Qemal Cicollari, duke mbajtur në duar kurora me lule dhe pankarta me fytyrën e ish-diktatorit, si dhe duke kënduar “Enver Hoxha tungjateta” kanë tentuar të bëhen pjesë e kësaj ceremonie të organizuar nga Bashkia e Tiranës.
Ata nuk janë lejuar nga forcat e policisë, çka ka sjellë edhe përplasjen e tyre me uniformat blu. JavaNews.al sjell fotot nga vendi i ngjarjes dhe përplasjes së anëtarëve të PKSH-së me forcat e policisë.
Kjo nuk është hera e parë që komunistët tentojnë të “ringjallin” Enver Hoxhën. E njëjta situatë ndodhi edhe në përkujtimet që u bënë më 5 Maj, “Ditën e Dëshmorëve”.
