Policia Kufitare godet një rast të mallrave kontrabandë dhe arreston një shtetase 57 vjeçare. Në cilësinë e provës materiale iu sekuestruan edhe tre valixhe me mallra kontrabandë Kadrie Muskurti 57 vjeç, banuese në Tiranë akuzohet për “Kontrabanda me mallra të tjera”.
Arrestimi i shtetases së mësipërme u bë për arsye se sipas policisë:
“Më datë 22.02.2016, pasi ka përfunduar kontrollin e bagazheve në zonën doganore në kundërshtim me urdhërin e punonjësit doganor ka nxjerrë 3 valixhe dhe një çantë pa kryer procedurat doganore për zhdoganimin e mallrave që ndodheshin në to.
Gjatë kontrollit të këtyre bagazheve u gjetën dhe sekuestruan në cilësinë e provës materiale 5 pako me barna mjekësore Padanol, disa veshje të ndryshme, vajra bimor dhe parfume”.
Materialet, bën me dije policia do t’i kalojnë Prokurorisë.
