Në bashkinë Prrenjas vijon puna për ndërtimin e qendrës së qytetit, pjesë e projekteve të Rilindjes urbane. Deputeti i zonës Taulant Balla së bashku me Ministrin e Financave Arben Ahmetaj dhe deputetin Nuri Belba inspektuan një nga investimet e Qeverisë Shqiptare në Bashkinë e Prrenjasit.
Tashmë, Prrenjasi do të ketë një shesh qëndror dhe një hapësirë shlodhëse dhe argëtuese për të gjithë grupmoshat. Bashkia e Prrenjasit është përfituese edhe e një projekti shumë të rëndësishëm, në kuadër të bashkëpunimit mes Qeverisë Shqiptare, Ministrisë së Financave dhe Qeverisë Italiane për rikonstruksionin e Qendrës Kulturore dhe shndërrimin e saj në një qendër multidimensionale, përfshirë këtu edhe një bibliotekë të munguar për qytetin.
Sa më sipër ka reaguar edhe Kryetarja e Bashkisë Prrenjas Miranda Rira (nga radhët e LSI) e cila falenderoi qeverinë dhe Ministrin Ahmetaj për kujdesin e treguar ndaj Bashkisë së Prrenjasit dhe po ashtu shprehu bindjen se të tilla investime të rëndësishme Prrenjasit do t’i përfitojë edhe gjatë vitit 2018.
Balla tha se, falë bashkëpunimit me Qeverinë Italiane, tashmë do të rikonstruktohet edhe Qendra kulturore e Përrenjasit që për herë të parë do të ketë një bibliotekë.
Balla: Bashkia e Përrenjasit është përfituese edhe e një projekti shumë të rëndësishëm, në kuadër të bashkëpunimit mes Qeverisë Shqiptare dhe Qeverisë Italiane për rikonstruksionin e Qendrës Kulturore dhe shndërrimin e saj në një qendër multidimensionale,përfshirë këtu edhe një bibliotekë të munguar për qytetin.
Ndërkohë që jam shumë krenar që Rrajca është përzgjedhur një prej 100 fshatrave të cilët do të jenë model i zhvillimit shumëplanësh, po të kemi parasysh atë infrastrukturor, por edhe kulturor për atë ç’ka përfaqëson Rrajca në Shqipëri”.
