Me sa duket demokratët nuk po gjejnë prehje pas humbjes më 25 qershor dhe ka nga ata që kanë kërkuar rikthimin e ish-liderit historik Sali Berisha në krye të forcës politike më të madhe opozitare.
Një nga ata ka qenë ish-nënkryetarja e PD-së Jozefina Topalli, kundërshtare e thekshme e Lulzim Bashës, e cila tha se edhe më parë në politikën botërore ka pasur rikthime.
Nisur nga kjo kërkesë deputeti socialist, Erion Braçe ka një mesazh, raporton Balkanweb. Ai thotë se është legjitime të sulmosh e kritikosh Bashën por të kërkosh rikthimin e Berishës ‘ku thërret qameti’.
STATUSI I BRAÇES
Të kritikosh, sulmosh, luftosh Lulzim Bashën është legjitime, madje e thjeshtë! Por të thërrasësh, “aman Sali Berisha kthehu e shpëto PD”,
“heshtja jote Sali Berisha te bën fajtor”, “Lulzim Basha ka urdhëruar te vritet politikisht Sali Berisha”, pas 27 vitesh, është ku të thërret qameti!!
Qani tani se ku i dihet, kthehet!!
