Pas Xhelal Mziut të Kamzës, në krah të Lulzim Bashës pasditen e sotme u shfaq në zonën e Unazës së Madhe edhe Florenc Hoxha, ish – kreu i Inspektoratit Ndërtimor të Tiranës gjatë kohës që bashkinë e kryeqytetit e drejtonte Lulzim Basha.
Ndërsa disa vite më parë në krye të IKMT-së prishte banesat e bizneset e tyre, sot si për ironi të fatit, ai ka qenë i pranishëm në protestën e Astirit.
Ai nuk ka ngurruar që bashkë me militantë të tjerë të PD-së të bllokojë rrugën, pavarësisht se ndaj tij rëndojnë një sërë akuzash për dhunim dhe prishje të pronës së qytetarëve gjatë kohës që drejtonte Inspektoratin Ndërtimor të Tiranës .
Hoxha u arrestua në vitin 2015 në kushtet e flagrancës nga Policia e Tiranës pasi në rrugën ‘’Ali Demi”, kanosi se do t’u prishte lokalin dhe dhunoi shtetasit K.K, 35 vjeç, banues në Tiranë dhe E.K, 37 vjeç, banues në Tiranë”.
/a.r
