Ashtu si pritej është riformatuar sërish qeveria e Kosovës. Krerët e partive të koalicionit PDK –LDK Kadri Veseli e Isa Mustafa sapo kanë shpallur emrat e rinj të kabinetit qeveritar në një konferencë të përbashkët për media.
Ata kanë bërë me dije se postin e Zëvendëskryeministrit që e ka mbajtur Hashim Thaçi, do ta trashëgojë Hajredin Kuçi, i cili do të mbetet edhe Ministër i Drejtësisë. Për këtë post ishte përfolur edhe Gani Koçi i PDK-së.
Ndërkohë, në konferencë për media Veseli ka bërë me dije se Ministër i Jashtëm do të jetë Enver Hoxhaj – post të cilin e kishte lënë Hashim Thaçi e që për disa muaj e ka ushtruar Petrit Selimi.
Në konferencën e jashtëzakonshme për media, Veseli tha se reformat për të cilat kanë diskutuar kanë të bëjnë në përmirësimin e gjendjes së bizneseve dhe tërheqjes së investitorëve të huaj.
“Kemi arritur marrëveshje që të shiheni të gjitha fushat që do të prek kjo reformë që nga sistemi legjislativ, politikat fiskale dhe ligjore dhe ideja e gjetjes së investitorëve të huaj deri në mundësinë e dhënies së zona të lira ekonomike, për bizneset e huaja që kanë për qëllim prodhimin në Kosovë dhe eksportimin e mallrave të tyre jashtë.
Pra dhënien e një eks-territorilaiteti brenda zonave ekonomike për investitorët e huaj që dëshirojnë të investojnë në Kosovë ”,ka thënë Veseli, citohet Express.
Ai tha se në vitin 2017 do të fillohet më ligjin për sigurimet shëndetësore. Poashtu Ligji për Trepçën do të aprovohet shumë shpejtë dhe do të përkojë me interesat nacionale të vendit, në të njëjtën kohë edhe interesat e punëtorëve, ka thënë më tutje Veseli. (b.an)
