Italia po të bëhet vendi i parë në botë që do ta bëjë riciklimin dhe krizën klimaterike një lëndë të detyrueshme për nxënësit e shkollës.
Ministri italian i arsimit tha se ‘Shkollat do përfshijnë agjendën e OKB për zhvillim të qëndrueshëm. Që nga shtatori i vitit të ardhshëm, në shkolla, një orë në javë që do ti dedikohet temave si ngrohja globale dhe ndikimi i njeriut në planet”.
Fioramonti tha se “shumë lëndë tradicionale, siç janë gjeografia, matematika dhe fizika, do të studiohen në një këndvështrim të ri të lidhur me zhvillimin e qëndrueshëm” dhe se “e gjithë ministria po ndryshon në mënyrë që qëndrueshmëria dhe klima të jenë në qendër të modelit arsimor”. “Unë dua ta bëj sistemin e arsimit italian të parin që vendos mjedisin dhe shoqërinë në qendër të asaj që mësojmë”, shton ministri.
Ministri Lorenzo Fioramonti është një anëtar i lëvizjes pro-ambjentit dhe më herët ka propozuar taksa për biletat e avionëve, plastikën dhe ushqimet me sheqer në mënyrë që të gjenerohen fonde për edukimin dhe mirëqënien.
Madje edhe projektbuxheti i qeverisë për vitin 2020, i prezantuar këtë javë në parlament, përfshin një taksë mbi plastikën dhe pijet me sheqer.
Sondazhet kanë treguar se 80 për qind e italianëve mbështesin taksën mbi sheqerin dhe fluturimet por prodhuesit e industrisë kundërshtojnë taksën mbi plastikën duke argumentuar se masa penalizon produktet por jo sjelljen dhe rëndon mbi konsumatorët.
g.kosovari
