Në Rinas, sot rreth orës 17.00, nëpërmjet një fluturimi riatdhesimi të përbashkët me charter, organizuar nga autoritetet spanjolle dhe agjensia Frontex, janë kthyer nga Spanja në Shqipëri 40 shtetas shqiptarë të cilët kanë shkelur rregullat e qëndrimit në Zonën Shengen.
Sipas njoftimit zyrtar të policisë përkatësisht nga Spanja janë kthyer 20 shtetas , nga Gjermania 8 shtetas dhe nga Franca 12 shtetas.
Operacioni i riatdhesimit u zhvillua nga agjensitë ligjzbatuese të Spanjës dhe FRONTEX. Në bordin e avionit në përbërje të eskortës kishte mjekë dhe një psikolog. Të gjithë shtetasit e kthyer sot , janë penalizuar për 3-5 vjet të mos udhëtojnë drejt vendeve të hapsirës Shengen.
