”Mille Colori” nga Revolt Klan & Daniele Meo
Kënga më e re e publikuar nga djemtë e grupit “Revolt Klan” është një tjetër bashkëpunim me këngëtarin Italian Daniele Meo. “mille colori” nuk vjen si bashkëpunimi i tyre i parë, por pas suksesit të jashtëzakonshëm që pati verën e shkuar kënga “Bala comme questa farfala”.
Revolt Klan, djemtë nga Vlora janë dëgjuar këtë vit pas Këngës Magjike në mbarë Bullgarinë me Alisian, një bullgare të talentuar dhe shumë sensuale. Në Shqipëri është publikuar klipi i tyre i fundit me këtë artiste në fillim të këtij viti.
Bruno dhe Febi kanë dy vjet që po bashkëpunojnë jo vetëm me këngëtarë shqiptarë, por edhe me të huaj. Alisia, Djina Stoeva, Debora, Angel Emanuela, Ivena, Pepa, Nickos Gannos, Mario Bischin janë vetëm disa nga emrat që këndojnë muzikën që prodhon “Revolt Music”, siç e quajnë djemtë ekipin e tyre të bashkëpunëtorëve.
