Resorti i parë turistik me 5 yje në Shqipëri, Rama: Turizmi do gjenerojë 250 mijë vende punë për 7-8 vjet

Për herë të parë në Shqipëri ka nisur ndërtimi i një resorti turistik me 5 yje. Kryeministri Edi Rama mori pjesë sot në nisjen e punimeve dhe deklaroi se menjëhere do punësohen 600 persona dhe me vënien në punë të resortit do të kemi 1500 të punësuar.

“Menjëherë punësohen 600 persona. Me vënien në punë të resortit punësohen 1500 persona. Turizimi ka një ndikim të jashtëzakonshëm në ekonomi”.

Kreu i qeverisë deklaroi se kjo është struktura e parë me 5 yjë ne vend, i cili do të pasohet me një investim tjetër në zonën e Dhërmiut.

“Është struktura e parë me pesë yje në vend. Mezi presim të shohim investimin tjetër në zonën e Dhërmiut. Edhe aty ambicia është po kjo, për të ndërtuar një tjetër resort me pesë yje. Jemi afër të finalizimit të disa proceseve të tjera që nga Divjaka deri në Kepin e Stillos”, u shpreh Rama.

Kryeministri shtoi se deri në 2015 Shqipëria arriti të hapë 51 mijë vende pune, por mundësia është për të krijuar 250 mijë vende pune vetëm në një periudhë prej 7-8 vitesh.

“Në këtë resort menjëherë punësohen 1500 persona. Falë këtij investimi do të jemi në gjendje që të nxisim përmirësimin e infrastrukturës së zonës.TVSH e turizmit u bë 6% nga qeveria, më e ulta në rajon dhe paratë që kursehen mund të investohen.” deklaroi Rama.

Rama theksoi se objektiv është thithja e turistëve që shfrytëzonin Afrikën e Veriut. Sipas tij, për shkak të konflikteve atje, ata po kërkojnë një tjetër destinacion.

“Mund të përfitojmë nga gabimet e të tjerëve, jemi një konjukturë gjeopolitike që ka sjellë, që 100 mln turistë që shfrytëzonin vendet e Afrikës së Veriut kërkojnë destinacione të tjera për shkak të konflikteve atje“, tha Rama.

Projekti turistik më gjigandi në vend do të ndertohet nga një sipërmarrje spanjolle. Ndërtimi do të jetë i shtrirë në disa hektarë tokë me një ndërtim prej rreth 34 mijë metrash katrorë./javanews.al

c.a