Një sërë aksidentesh janë shënuar paraditen e sotme në vend. Një aksident është shënuar në aksin Fier- Mallakastër, në fshatin Lalar ku dy automjete, të dyja të tipit “Mercedes Benz” janë përplasur kokë më kokë me njera tjetrën.
Deri tani nuk raportohet për viktima, ndërsa ka persona të plagosur. Pranë vendit të ngjarjes kanë mbërritur mjekë të urgjencës të spitalit fier si dhe uniformat blu. Paraprakisht dyshohet se shkak për aksidentin mund të ketë qenë lagështia më rrugë për shkak edhe të reshjeve.
Ndërkohë një tjetër aksident ka ndodhur edhe në Portez të Fierit, ku dy makina tip “ Volswagen” dhe “ Toyota” janë përplasur me njëra- tjetrën. Si pasojë e përplasjes nuk ka patur të lenduar por vetëm dëme materiale.
Fier / Informacion paraprak
Rreth orës 09:40, në vendin e quajtur “Qafa e Lalarit”, automjeti tip “Benz” me drejtues shtetasin E. R., 45 vjeç, banues në Kuçovë, është përplasur me automjetin tip “Benz” me drejtues shtetasin K. K., 37 vjeç, banues në Patos.
Si pasojë e përplasjes janë dëmtuar dy drejtuesit e automjeteve dhe pasagjeri, shtetasi L. S., 65 vjeç, të cilët ndodhen në spital nën kujdesin e mjekëve. Grupi hetimor po punon për zbardhjen e rrethanave të aksidentit.
/e.d
