Pas situatës së rënduar nga reshjet e shiut dhe dëborës, Autoriteti Rrugor Shqiptar ka njoftuar se është ndërhyrë në disa akse rrugore, për të siguruar qarkullimin rrugor. ARRSH thekson se ka ndërhyrë në aksin rrugor Fushë Arrëz- Gjegjan- Miredite, pasi kishte patur probleme të shkaktuar nga shembjet e dheut.
Kukës, rrëshkitja masive e dherave bllokon rrugën në fshatin Lojme
Ndërkohë në kukës, në fshatin Lojme ka patur rrëshkitje të dherave dhe gurëve që kanë bërë që rruga të bllokohet. Mesimi ne Lojme sot nuk eshte zhvilluar per shkak te sigurise teknike ne shkollen ekzistuese. Ne bashkepunim me Njesine Administrative Zapod po punohet per sigurimine ambienteve te tjera te perkohshme per mesim. Ne qytetin e Kukesit punonjesit e sherbimeve po punojne per mbajtjen nen kontroll te pusetave e rrjetit te kanalizimeve per ujrat e bardha e te zeza.
Jane marre masat e nevojshme per eleminimin e nje defekti ne rrjetin e kanaleve te ujrave te zeza ne kryqezimin prane obeliskut te Lidhjes Shqiptare te Prizrenit ( ish kendit te kuq).Ka problem te furnizimit me energji elektrike ne disa fshatra te Njesise Administrative Malzi,per shkak te akullit ne rrjetin e tensionit te mesem e te ulet. Eshte vene re shtim I prurjeve ne ujsjellesin e Kukesit dhe po koordinohet per shtimin e orarit per furnizim me uje te qytetit.
Lezhë, Probleme në Zadrimë e Torovicë, rrezik përmbytje në fshatin Spiten
Reshjet e dendura të shiut kanë shkaktuar probleme në disa zona në Zadrime dhe Torovicë. Si pasojë e shirave të dendur rrezikohen të përmbyten disa banesa në fshatin Spiten në Lezhë. Lidhur me situatën ka reaguar Prefektura e Lezhës, duke theksuar se deri më tani situata është nën kontroll, dhe po merren masat e nevojshme për të parandaluar përkeqësimin e gjendjes. Nga Prefektura e Lezhës sqarojnë se hidrovoret po punojnë me kapacitet të plotë.
Bllokohen dy fshatra në fushëbulqizë nga dëmtimi i rrugës
Reshjet e rrëmbyera të shiut kanë shkaktuar fryrjen e përrenjve në Bulqizë, të cilët kanë dalë nga shtrati. Si pasojë është dëmtuar rruga në Fushë Bulqizë, duke bllokuar dy fshatra, Kocaj 1 dhe Kocaj 2. Nga reshjet e dendura janë dëmtuar edhe dy banesa.
Bulqizë, del nga shtrati Zalli i Thatë, rritet niveli i HEC-it të Fierzës
Ndërkohë, në Bulqizë raportohet dalja nga shtrati i Përroit Zalli i Thatë, ujërat e të cilit kanë bllokuar dy fshatra në Fushë-Bulqizë. Reshjet e ditëve të fundit kanë nisur të japin efektet e para në kaskadën e Drinit. Autoritetet njoftojnë se ka një rritje të lehtë të nivelit në Hidrocentralin e Fierzës si pasojë e shtimit të prurjeve të lumit. Pak ditë më parë, KESH njoftoi ndërprerjen e prodhimit të energjisë në këtë HEC si pasojë e rënies së nivelit të ujit në pikën kritike.
