Vetëm dy javë nga krijimi I mundimshëm I koalicionit qeveritar PD-Pesë Yjet në Itali, ish kryeministri Matteo Renzit ia tërhoqi mbështetjen e tij demokratëve të qendrës së majtë.
Renzi vendosi të shkëputet nga partia demokratike e të krijojë një forcë të re politike te orientuar drejt qendrës. Ndonëse pretendon se vazhdon ta përkrahë koalicionin e brishtë qeverisës, ish shefi I ekzekutivit pritet të marrë me vete 30 deputetë, duke i dobësuar kështu pozitat e liderit të PD, Nicola Zingaretti.
Ky I fundit e cilësoi hapin e kolegut ‘një gabim’, megjithëse u përpoq t`I minimizonte pasojat e tij përmes përqendrimit siç tha, tek e ardhmja, dhe punët që I presin.
‘Tani le të mendojmë për të ardhmen e italianëve, për mjedisin, bizneset, shkollat e investimet’, shkroi Zingaretti në rrjetet sociale. Renzi e tregoi hapur se pakënaqësia e tij lidhej me Pesë Yjet.
‘Di Maio nuk më bind’, deklaroi ai`, ‘nuk punuam kaq shumë që të përfundonim ortakë të platformës Rousseau. Politika për mua është shumë ndryshe nga algoritmet e Casaleggio-s’, shtoi më tej duke iu referuar këtu bashkëthemeluesit të 5 yjeve.
Analistët mendojnë se as për 44-vjeçarin vete, rruga nuk ka për të qenë e “lëmuar“. Votuesit italianë sot janë të ndarë në mbështetjen e tyre mes Legës dhe Pesë Yjeve. Renzi këmbëngul se partia e tij do të bëjë politikë ndryshe nga të tjerat.
Një sondazh I realizuar nga Corriere della Sera-s tregon se një parti e qendrës e drejtuar prej tij mund të marrë mbështetjen e 3 deri në 8% e votuesve.
Ndarja brenda PD është kritikuar shumë nga figura të partisë, që argumentojnë se ajo do të shtojë ndasitë dhe rrezikun e zgjedhjeve të reja që mund të risjellin në pushtet Matteo Salvinin.
g.kosovari
