Dhjetëra forca të policisë, FNSH-së dhe RENEA-s kanë nisur operacionin për kontrollin dhe identifikimin e zonës ku mbrëmjen e djeshme u vranë barbarisht 2 turistë çekë.
Nga informacionet e para të së shtunës mësohet se 20 shtetas janë shoqëruar për t’u marrë në pyetje në lidhje me ngjarjen e rëndë, ndërkohë që dyshohet se autorët janë 3 persona.
Gjatë kontrolleve të para, në automjetin e viktimave është gjetur një automatik tip Kallashnikov, i cili mendohet të jetë edhe arma e krimit.
Makinës me të cilën udhëtonin M. Svatos dhe Anna Kosinova dyshohet t’i jetë prerë rruga fillimisht me një mjet motorik, e më pas të jenë qëlluar.
