Prej orësh, Forcat RENEA janë dislokuar në zonën e Elbasanit për të kërkuar autorët e vrasjes së Bujar Çelës, i ekzekutuar paraditen e sotme.
Konkretisht, efektivët kanë kryer kontrolle dhe kanë bastisur disa shtëpi, në fshatin Broshkë, Përparim dhe Mëngël. Identetet e të shoqëruarve nuk bëhen me dije, por dyshohet se ata kanë lidhje apo dijeni për ekzekutimin dhe autorët e vrasjes së Çelës.
Gjithashtu pika kontrolli janë ngritur edhe në hyrje e dalje të qytetit ku mjete të shumta po i nënshtrohen kontrollit të efektivëve. Për momentin RENEA është vënë në ndjekje të një mjeti që nuk i është bindur urdhërit të ndalimit nga policia.
Gjatë pasdites së sotme, në Elbasan ka qenë edhe drejtori i përgjithshëm i Policisë së Shtetit, Ardi Veliu, i cili ka kërkuar në mënyrë të prerë gjetjen e autorëve të vrasjes.
g.kosovari
