Ardian Çollaku, 50-vjeçari i cili ishte një prej shënjestrave të atentatit ditën e djeshme në Elbasan, ka ndërruar jetë mëngjesin e sotëm (5 tetor) në Spitalin e Traumës.
Ai mbeti i plagosur fillimisht nga atentati i djeshëm dhe u dërgua me plagë të rënda drejt Spitalit të Traumës në Tiranë, por nuk arriti t’i mbijetonte.
Ngjarja e rëndë ka ndodhur ditën e djeshme në Bradashesh, në afërsi të rrethrrotullimit të luleve ku përveç Ardian Çollakut, u vra dhe Lulzim Bitri. Sipas njoftimit të policisë, dyshohet se nga një automjet në lëvizje eshte qëlluar me armë zjarri në drejtim të dy personave këmbësore.
Ata janë ekzekutuar me 15 plumba, ku Lulzim Bitri 35-vjeç mbeti i vrarë në vendngjarje ndërsa Ardian Çollaku mbeti i plagosur.
Dy viktimat duket se janë pjesë e grupeve kriminale që operojnë në këtë qytet. Sipas News24, Ardian Çollaku (Subashi) është hetuar për vrasjen e Everest Çakajt, ngjarja që ndodhi më 11 maj të këtij viti, në të cilën dyshohet se ka pasur lidhje direkte. Nga ana tjetër, viktima tjetër Lulzim Bitri rezulton lidhje e fortë e Talo Çelës, një nga miqtë më të afërt të tij.
g.kosovari
