Në përpjekje për të vënë nën kontroll një valë të dytë të pandemisë, duke nisur nga e hëna shkollat në Greqi do të pezullojnë mësimin në person.
Ishte Ministri i Shëndetësisë së Greqisë, Vassilis Kikilias, i cili dha fillimisht lajmin se deri më 30 nëntor, do të pezulloheshin shkollat fillore, kopshtet dhe çerdhet.
Deklaratën më pas e vijoi edhe Ministrja e Arsimit e cila tha se: Nga e hëna dhe për dy javë, mësimi është i pezulluar. Shkollat fillore, kopshtet, shkollat e mesme dhe licetë do të qëndrojnë të mbyllura.
Mësimi online do të fillojë të Mërkurën, do të zgjasë 30 minuta dhe do të zhvillohet nga ora 2 në mesditë deri në 5 për shkollat fillore dhe nga ora 2 në 4 për kopshtet.
Duke nisur nga e Premtja në vend ka hyrë në fuqi izolimi. Megjithatë dinamika e përhapjes së Covid-19 është e paparashikueshme, andaj nuk përjashtohet shtyrja e vendimit deri në një datë të dytë.
g.kosovari
