Me 5 voto pro, KQZ ka miratuar kërkesën e Prokurorisë së Përgjithshme për ndërprerjen e mandateve të deputetit të LSI-së Gledion Rehovica si dhe të atij të PDIU-së Aqif Rakipi. Pas miratimit të kërkesës, pritet që për qarkun e Beratit të rikthehet përsëri në parlament Silva Caka, e cila nuk mund të zgjidhej si deputete në zgjedhjet e 25 qershorit. Ndërsa, vendin e Rakipit në qarkun e Elbasanit pritet ta zërë Dritan Bici, i cili më herët ka qenë kryetar i Bashkisë së Gramshit.
Sipas Prokurorisë së Përgjithshme, “deputeti i PDIU për qarkun e Elbasanit, Aqif Rakipi, dhe ai i LSI për Qarkun e Beratit, Gledion Rahovica, preken nga ligji i Dekriminalizimit. Dy deputetët nuk kishin deklaruar ndalimin nga policia në Itali”.
Deputeti i LSI-së, Gledjon Rehovica, sipas Prokurorisë, rezulton të jetë arrestuar në vitin 1999 në Itali për “vjedhje dyqani”. Ai mohoi akuzat e Prokurorisë duke thënë se ka qenë student në Romë gjatë kohës për të cilat flet akuza e Prokurorisë. Ndërkohë Deputeti Aqif Rakipi akuzohet për përdorim të materialeve të vjedhura” me identitetin, Skënder Ejybegaj.
ma.me
