Taulant Balla drejtues politik i Partisë Socialiste për diasporën ishte këtë të martë në një intervistë për Mirela Milorin në Euronews Albania ku tha se emigrantët të cilët do të votojnë nga diaspora mund të regjistrohen edhe me dokumente të skaduara.
Megjithatë ai tha se nuk mund të bëhet regjistrimi me dokumente të cilat nuk janë biometrike.
“Është e vërtetë që ka një numër refuzimesh të aplikimeve, kjo lidhet me gabimet të cilat bien ndesh me parashikimet që ka bërë ligji. Ligji parashikon që të duhet një dokument identifikimi biometrik shqiptar, të prodhuar pas vitit 2009.
Për këtë ligj kemi rënë dakord me Partinë Demokratike që nga viti 2009 e më pas nuk do të pranohet në qendër votimi në zgjedhjet e Republikës së shqipërisë, asnjë dokument tjetër, veç këtyre dy dokumenteve identifikimi. Kjo vlen për çdo shqiptar.
Të dashur qytetarë shqiptarë, regjistrohuni edhe me dokumente të skaduara. Partia Socialiste gjithmonë ka kërkuar që të shtyhet afati për dokumentet e skaduara”,-tha Taulant Balla.
Taulant Balla tha ndër të tjerat se fton opozitën që në seancën e 13 shkurtit të votojë në parlament për ndryshimet që sipas tij janë të domosdoshme në kodin zgjedhor.
