Komisioni Parlamentar për Reformën Zgjedhore ka nisur nga puna për ndryshimet në Kod. Sot u zhvillua mbledhja e parë e komisionit, ku kryetari i Kuvendit Ilir Meta gjatë fjalës së tij kërkoi nga palët të realizojnë një reformë me standarte të larta për zgjedhjet e ardhshme.
Në mbledhjen e parë të komisionit të reformës zgjedhore, socialistët shprehën si shqetësim të tyrin kohën e realizimit të kësaj reforme. Bashkim Fino u shpreh se, “ka kohë deri në fund të vitit për të realizuar me konsensus këtë kod”.
Ndërsa përfaqësuesi i PD-së, Oerd Bylykbashi listoi disa problematika. Blerja e votës, tha ai, duhet të gjejë zgjidhje përmes ashpërsimit të Kodit Penal.
Presioni ndaj votuesve, financimi i partive dhe zbatimi i ligjit për dekriminalizimin ishin tre shqetësime të tjera të demokratëve.
