Komisioni i posaçëm për reformën zgjedhore, i mbledhur paraditen e së martës, është njohur me materialin e përgatitur nga grupi i ekspertëve lidhur me rekomandimet e propozuara nga OSBE/ODIHR në raportet përfundimtare të zgjedhjeve parlamentare të 2013-s dhe atyre vendore të 2015-s.
Bashkëkryetari socialist i komisionit, Bashkim Fino tha se vërejtjet e ndërkombëtarëve për dy proceset e fundit zgjedhore i kemi mbi tavolinë dhe na duhet t’i zbatojmë përmes ndryshimit të neneve përkatëse në kodin aktual zgjedhor.
Ndërsa, bashkëkryetari demokrat, Oerd Bylykbashi prezantoi një platformë të opozitës se ku duhen fokusuar ndërhyrjet në kodin zgjedhor, ku sfidë kryesore sipas tij është përdorimi i teknologjive në zgjedhje. (javanews.al / r.a)
