Ambasadorja e Delegacionit të Bashkimit Europian në Tiranë, Romana Vlahutin deklaroi të premten se me miratimin e reformës në drejtësi Shqipëria do të ketë mundësi që Komisioni Europian të japë një rekomandim pozitiv për çeljen e negociatave për anëtarësim.
“Ne vërtet shpresojmë që reforma në drejtësi të miratohet së shpejti dhe me miratimin e saj Shqipëria vërtet do të ketë mundësi që KE-ja të japë një rekomandimin pozitiv për çeljen e negociatave”, u shpreh Vlahutin.
Fatkeqësisht, vijoi ajo, Shqipëria ka humbur shumë mundësi dhe shanse sa i takon ndërtimit të shtetit dhe modernizimit të vendit. Por, kjo është bërë deri tani duhet vazhduar dhe kjo është zgjedhja juaj. Ne jemi këtu për t’iu mbështetur me përvojën, me ekspertizën dhe fondet tona, se jemi vërtet të interesuar për Shqipërinë dhe besoj se ju të gjithë e dini që nuk jeni të vetëm në këtë rrugëtim drejt BE-së”, tha Vlahutin.
Deklaratat e saj u bënë gjatë një aktiviteti të Këshillit Kombëtar të Integrimit./a.m.
