Vijojnë debatet në komisionin parlamentar të Shënetësisë, nga ku deputeti i LSI Vangjel Tavo ka akuzuar Ministrin Beqaj se po i bën presion drejtorëve të spitaleve për të shkurtuar vende pune në mënyrë të padrejtë. Sipas deputetit të LSI, Ministri ka dërguar urdhërat për shkarkime nëpër spitale dhe 20 ditë më vonë kriteret për shkarkimet e këtyre personave. Sipas Vangjel Tavos, kjo bën që punonjësit të hedhin në gjyq shtetin dhe të fitojnë kundër tij duke shkaktuar dhe një dëm në buxhet.
Vangjel Tavo: I keni nisur shkresë spitaleve me shkurtimet, për të qenë korrekt në fund të tetorit, dhe i thoni të nisin procedurat e menjëhershme, dhe është normale deri këtu, ndërkohë në shkresën e parë ju s’keni përcaktuar asnjë kriter ..dakort s’kishte kriter, në 17 nëntor keni dërguar kriteret. 20 ditë me vonesë.
Ju e keni dërguar 20 ditë me vonesë shkresën për kriteret e shkurtimit, e keni nisur në fund të tetorit, se 1 nëntori ishte afati i fundit…në 17 nëntor i thoni këto janë kriteret për shkurtime….kriteret mbas Bajramit? Urdhërat janë me datë 20 ditë diferencë, s’ka asnjë faj drejtori i spitalit, më falni për cfarë po i çoni kontrollet tani? Është presion këtu? Jepni një përgjigje për opinionin publik.
Ilir Beqaj: Jo nuk është presion
Vangjel Tavo: Kush e ka shkeluar ligjin këtu?
Ilir Beqaj: Do mbaj përgjegjësi unë i pari nëse është shkelur ligji.
