Hide, xinxife sido që të quani ,e sigurtë që asnjëherë më parë nuk ju kishte shkuar ndërmend që ky frut të ishtë përbërës i një keku.
Duke qenë të stinës, Living vendosi të sjellë recetën e mëposhtme:
Përbërësit:
500gr miell i tipit 00 ● 1 kokërr vezë ● 100g gjalpë ● 200g sheqer kaf, ose i bardhë ● 300g xinxife të grira në rende ● 70g rrush i thatë, i zbutur në çaj lulesh ● 250ml ujë ● 1 lugë çaji kanellë ● pak kripë e trashë
Përgatitja:
Në një tenxhere shkrijmë ujin, gjalpin dhe sheqerin derisa të njëtrajtësohen. I lëmë të ftohen.
Në një tas porcelani sitim miellin, shtojmë sodën e bukës, kripën, kanellën dhe më pas, xinxifet, rrushin e thatë, të shtrydhur nga uji ose çaji. I trazojmë mirë. Rrahim vezën dhe i bashkojmë me gjalpin, ujin dhe sheqerin e shkrirë.
Bashkojmë përbërësit e thatë me të njomë. Hedhim masën në një formë dhe e pjekim kekun në furrë të nxehtë, (që më parë), për gati 25-30 minuta në nxehtësi 200 gradë.
Xinxifet bëjnë shumë mirë për ata që vuajnë nga tiroidet.
/b.d
